Nachem Coiffeur

So, mini Haar si ab. Jetzt gsehts so us. Bitte bitte bitte, ganz ganz gnadelos ehrlechi Rückmäudige! Öb guet odr schlächt, aues erwünscht u wiukomme!!!

Anhang anzeigen Picture0100.jpg

ouuu yaaa :D

Aso ich finds schön, gseht halt grad viel "alltagstauglicher" us & demnach "fründlicher", wend hoffentli verstohsch wienis meine..
obwohli Dreads au saugeil gfunde ha (halt eifach uf Fotos) =)

Ja, weiss wasde meinsch. I ha mini Dreadis gliebt u würdse immr no liebe, abr sie hei haut eifach ab müesse. Abr isch gloub die Frisur gsi, wo am beschte bi mir het usgseh und am meischte passt het bis jetzt.

Wie lang häschs gha ??
chasch ja immer wieder mache, das isch ja nid sProblem..

oh jöööööööööö!!!!!!!! Mega süess!!!!!! I findes also SUPER! vil schöner als vorane ganz ganz ehrlich!!!!!!

Merci!!!

Caffy i ha soulängi Haar gha. Abr nei, Dreadis machi nümme. U i bimrs o nid gröiig, dasse ha abgschnitte.

Ha mini au 4cm gschnitte vorgester... jetzt hei mr öppeglich längi Haar!

I eifach ohni chruseli

Locke hani nur mit Schuum u Föhn. Glatt gsehsi drum eifach irgendwie blöd us im Momänt ;) .

Dini Frisur find i ächt super und stoht dir mega guet!
Ha leider dini Dreadlocks nume churz "mitkriegt"...
Aber das neue Föteli vo dir und dr Matti find i süess :)
Greez

Merci viu mau!

Loony,
bisch nid du die gsy, wo mal was vo Extensions gschriebe het ?
viellich ischs au im FB gsy..

Niina, du häsch normal gradi Haar ?
vermisst de Matti nüt ? :b

Nö, i hanim abgwöhnt a mine Haar ds chätschä, vo däm här vrmisstr nüt ;) .

Naja, i ha chli komischi Haar, sie sie haub grad, haub glockt. Auso i muess sowou was für d Locke wie o für gradi Haar mache ;) . U irgendwie hani vorde Dreadis viu meh Haar gha wie jetzt... komisch, mir isch mis Volume u mini mega Mähne irgendwie vou abhande cho... bini auso nid unglücklech drüber ;) . Abr es isch meeega ungwohnt churzi Haar ds ha. Hani no nie gha!!! Auso mou einisch im Summr vor 3 Jahr, abr denn hani när die ganz Zyt Zöpfli u Cornrows gha u so. Auso nie churzi Haar. Es isch irgendwie komisch

ja geg vorher sins scho viel kürzer.. Aber ischs nid au es krass anders Gfühl, wend plötzli Haar anstatt Filz i de Händ hesch ? Etz mal krass gseit, ha glaub nonie Dreads aglängt, weiss nid wies isch. (;

ich gang mal na kurz use mit de Stinker & denn is Bett,
guet Nacht alli mitenand

Im Summer isches nid so heiss aber i vermisse mini sch zimlech.

Wenigstens hesch chli Locke! I ha nume stäckegradi Haar...

Caffy ja i bi mir am überlege wider Extensions zmache.

Hei Caffy, wede o ads Hunditräffä chunsch, de bringidr es Dreadi mit, i ha aui bhaute! Oh abr hei, für so are Party odr de im Summr ischs mega gäbig ohni Dreads. I bi immr fasch vrgange vor Hitz. U mini Chopfhut chasech ändlech erhole. Oh u wasi ha gmerkt, i ha mini Dreads immr mega guet pflegt u so, i gloube i ha die meischtpflegte Dreadis gha vo aune. Sie hei o nie gstunke odr so, abr woni ä Teil no ha usgsträut hanise chli gnauer unger d Lupe gno... i bi richtig froh gsi, dehei chönne d Haar go ds wäschä... oh nei, i möcht keni Dreadis meh, wüu egau wie guetse pflegsch u wischisch u aues, es bliibt immr Dräck drinne wode eifach niemeh usebringsch! Nid fein.
Und ah mou, es isch o mega ungwohnt wiedr normali Haar statt Fiuz ds ha...

Jau das luagt super us :D a Kollegin hät o Dreads und i finds no cool zum ahlanga^^ aber i find dia Frisur passt super zu dir

Muass jetzdenn o wieder zum Frisör und mir grauts echt davor. Dia händ alli s i-schnid-so-viel wia-möglich-ab-syndrom und wenn ma seit nur d Spitza hackens eim gad 15 cm ab ;( bi fast 80 cm hoorlängi dr totali Horror!!!

Hallo Niina

Dini neu frisur gseht super us chunt der sehr guet

wobi Drids händ mehr au sehr guet a dir gfalle , aber wenns en heisse sommer git

dänn isch es sicher für dich eifacher d'Haar mit däm schnitt z'pfläge.

Grüessli a eu Nelly

Hey Niina

E finde die Frisur toll, gseht guet us a der!

i-schnid-so-viel wia-möglich-ab-syndrom

Hm was hesch denn du für en Coiffeur? E muess mini immer zwinge, dass sie ändlich soviel abschnid wie e gseit han! :D

Also ich finde, deine neue Frisur steht dir super. Da ich erst seit kurzem (vor ein paar Minuten) hier angemeldet bin, kann ich leider nicht sagen, ob du mir mit deiner alten oder der neuen Frisur besser gefällst.
Aber dein neuer Haarschnitt steht dir wîrklich echt super.